Гомдох эрхгүй хайр гэж байх юм
     Голоосоо хайртай болохоороо

     Гомдох эрхгүй болдог юм байна

                  Туних гэж бас байх юмаа

                  Тунилаа гээд ч яахав дээ
                  Тун ч удахгүй сарничих юм

     Алаг дэлхий хайрын бүүвэйтэй ажээ
     Аав, ээжийн хайр, ах дүүсийн хайр

     Амраг ханийн хайр, ач үрсийн хайр
     Анд нөхдийн хайр, алаг зүрхний хайр

            Аль олон хайрыг хэлж барах билээ
            Амьдрал гэдэг хайрын хорвоо ажээ

            Олон олон хайраас
            Онцгой хайр гэж байдаг юм байна

     Гомдох эрхгүй хайр гэдэг нь
     Голоос гогдсон байдаг юм байна

     Гол тасрах тэр агшинд
     Гомдох эрхгүй хайр яадаг бол ....

                 Эрдэнэбат ... Гомдох эрхгүй хайр