Өвөрт чинь орж нялхарсан тэр шөнийг  мөнхлөх гэж
Өөр бYсгvйд ээрэгдсэн төөрсөн нэгнийг мартах гэж
Өчнөөн шөнө хөрвөөсөн ганцаардлын орчлонг vгvйсгэх гэж
Өглөө бYр чамаараа даашинзаа товчлуулах гэж
Дурласан юмаа би чамдаа

Зvvдэлж явдаг учралын vнэн гэдэгт итгэх гэж
Зөндөө их хvлээсэн ч дурлал ирдгийг vзэх гэж
Зах нь мэдэгдэхгvй амьдралд эрхий хуруунаас чинь зуурах гэж
Заяа мэдсэн тавиланд  чамтайгаа дуу аялан алхах гэж
                                                Дурласан юмаа би чамдаа

Хажууд чинь байхад төөнөх тэр илчийг өрдөх гэж
Хатуу нь бага биш орчлонд хайр гэдэгт дэрлэх гэж
Хаа нэгтээ орхисон анхны дурлалаа мартах гэж
Хавар шивнэсэн vлгэрт чинь согтож бас эрхлэх гэж
Дурласан юмаа би чамдаа